monumenta.ch > Hieronymus > bnfNAL1585.43 > Lucas, 21 > bsbClm6224.177 > sectio 11 > sectio 33 > Orosius, De arbitrii libertate, 3. > sectio 38 > 'Goliath' in ' 24' > sectio 27 > sectio 68 > Lucas, 20 > sectio 48 > sectio 15 > 'Goliath' in ' 11' > csg48.203 > sectio 2 > bnfNAL1585.58 > csg46.318 > sectio 18 > sectio 94 > 10 > bnfNAL1585.27 > sectio 105 > uwbM.p.th.f.68.189 > bavPal.lat.311.393 > bsbClm6224.182 > sectio 1 > bnfNAL1585.64 > csg51.166 > sectio 65 > sectio 67 > sectio 82 > sectio 30 > sectio 75 > Plinius, Naturalis Historia Liber I, XXVI > sectio 86 > sectio 64

Word Selection for Searching

Report an Error in this Sectio
Hildegardis Abbatissa, Visiones, 3, 11, 64
Sed ut vides quod ipsum monstruosum caput se tanto fragore a loco suo emovit, quod omnis praedicta muliebris imago in omnibus membris suis inde concutitur: hoc est cum se filius perditionis caput iniquitatis existens, multa arrogantia superbiae velut a parvo errore infixae sibi nequitiae tollit, maiorem errorem arripiens, scilicet supra omnes exaltari volens, id est cum deceptiones suae finem accepturae sunt, omnis Ecclesia in omnibus filiis suis tam maioribus quam minoribus in maximum timorem mittitur, exspectans insaniam praesumptionis illius. Et velut magna massa multae faecis ipsi capiti coniungitur, unde illud super quemdam montem se elevans, altitudinem coelorum ascendere tentat; quia maximae artes diabolicarum insidiarum, multam immunditiam afferentium eidem filio iniquitatis assistentes, ipsi alas superbiae subministrant, ac eum in tantum praesumptionem erigunt, quod ipse etiam secreta coelestia se putat posse penetrare. Quomodo?